viran jaziron ka safar KHatm na ho jae

vīrān jazīroñ kā safar ḳhatm na ho jaa.e

ye silsila-e-fikr-o-nazar ḳhatm na ho jaa.e

ai ham-nafaso aur qarīb aur qarīb aao

ye mahfil-e-firdaus-nazar ḳhatm na ho jaa.e

ghar meñ bhī nazar ā.eñge andāz-e-bayābāñ

jab tak mirī vahshat kā asar ḳhatm na ho jaa.e

tauqīr-e-mohabbat pe kahīñ harf na aa jaa.e

ai chāragaro dard-e-jigar ḳhatm na ho jaa.e

us shahr kī jānib baḌho ai qāfile vaalo

gunjā.ish-e-arbāb-e-hunar ḳhatm na ho jaa.e

hotī rahī āñkhoñ se jo yuuñ ḳhuun kī bārish

dil ḳhatm na ho jaa.e jigar ḳhatm na ho jaa.e

'bismil' ko na is tarh nigāhoñ se girāo

dariyā-e-mohabbat kā guhar ḳhatm na ho jaa.e

viran jaziron ka safar KHatm na ho jae

ye silsila-e-fikr-o-nazar KHatm na ho jae

ai ham-nafaso aur qarib aur qarib aao

ye mahfil-e-firdaus-nazar KHatm na ho jae

ghar mein bhi nazar aaenge andaz-e-bayaban

jab tak meri wahshat ka asar KHatm na ho jae

tauqir-e-mohabbat pe kahin harf na aa jae

ai chaaragaro dard-e-jigar KHatm na ho jae

us shahr ki jaanib baDho ai qafile walo

gunjaish-e-arbab-e-hunar KHatm na ho jae

hoti rahi aankhon se jo yun KHun ki barish

dil KHatm na ho jae jigar KHatm na ho jae

'bismil' ko na is tarh nigahon se girao

dariya-e-mohabbat ka guhar KHatm na ho jae