wijdan mein wo aaya ilham hua mujhko

vijdān meñ vo aayā ilhām huā mujh ko

maiñ bhuul gayā us ko vo bhuul gayā mujh ko

ab Duub hī jaane de itnā na girā mujh ko

sharminda na kar Daale tinke kī anā mujh ko

maiñ gum-shuda logoñ kī fehrist meñ dab jaatā

vo to mire dushman ne pahchān liyā mujh ko

is ahd meñ kyā rakkhā thā jis pe basar hotī

kyā hotā jo virse meñ miltā na ḳhudā mujh ko

itnī baḌī duniyā meñ kab se maiñ akelā huuñ

ai rabb-e-karīm apne bandoñ se milā mujh ko

wijdan mein wo aaya ilham hua mujh ko

main bhul gaya us ko wo bhul gaya mujh ko

ab Dub hi jaane de itna na gira mujh ko

sharminda na kar Dale tinke ki ana mujh ko

main gum-shuda logon ki fehrist mein dab jata

wo to mere dushman ne pahchan liya mujh ko

is ahd mein kya rakkha tha jis pe basar hoti

kya hota jo wirse mein milta na KHuda mujh ko

itni baDi duniya mein kab se main akela hun

ai rabb-e-karim apne bandon se mila mujh ko