wo aa rahe hain husn-e-KHud-ara liye hue

vo aa rahe haiñ husn-e-ḳhud-ārā liye hue

hai zarra zarra baḳht-e-surayyā liye hue

josh-e-alam daroġh ḳhumār-e-nashāt jhuuT

terā hī vahm hai ye tamāshā liye hue

un kā harīm-e-nāz hai ġhārat-gar-e-havās

lauTā hai kaun qalb-e-shakebā liye hue

be-ḳhud na kyoñ kisī ke tasavvur meñ ham raheñ

har har nafas hai sāġhar-e-sahbā liye hue

maujoñ kā josh detā hai tūfān kī ḳhabar

imroz hai haqīqat-e-fardā liye hue

bāġh-e-jahāñ kī sair ko zauq-e-nazar hai shart

nargis na ban tū dīda-e-bīnā liye hue

'zā.iq' chhupā.e rakhtā huuñ yuuñ dil meñ rāz-e-dost

jaise sadaf meñ gauhar-e-yaktā liye hue

wo aa rahe hain husn-e-KHud-ara liye hue

hai zarra zarra baKHt-e-surayya liye hue

josh-e-alam darogh KHumar-e-nashat jhuT

tera hi wahm hai ye tamasha liye hue

un ka harim-e-naz hai ghaarat-gar-e-hawas

lauTa hai kaun qalb-e-shakeba liye hue

be-KHud na kyon kisi ke tasawwur mein hum rahen

har har nafas hai saghar-e-sahba liye hue

maujon ka josh deta hai tufan ki KHabar

imroz hai haqiqat-e-farda liye hue

bagh-e-jahan ki sair ko zauq-e-nazar hai shart

nargis na ban tu dida-e-bina liye hue

'zaiq' chhupae rakhta hun yun dil mein raaz-e-dost

jaise sadaf mein gauhar-e-yakta liye hue