wo aadat hai to aadat se kinare ho bhi sakta hai

vo aadat hai to aadat se kināre ho bhī saktā hai

magar is saarī koshish meñ ḳhasāra ho bhī saktā hai

raheñge saath phir bhī ham mohabbat mar ga.ī kyā ġham

ki masnūī tanaffus par guzārā ho bhī saktā hai

agar āñkheñ na bhar aa.eñ to dil muTThī meñ aa.egā

huā hai haal jo merā tumhārā ho bhī saktā hai

khulī āñkhoñ meñ Thahrā ḳhvāb kaise TuuT saktā hai

gumāñ ye zindagī bhar kā sahārā ho bhī saktā hai

jo itnī jagmagāhaT dekhte ho ās-pās apne

ye merī aañkh se TuuTā sitāra ho bhī saktā hai

hameñ hairat se mat dekho ab aisā kyā kiyā ham ne

zamīnī ishq hai sāhab dobāra ho bhī saktā hai

wo aadat hai to aadat se kinare ho bhi sakta hai

magar is sari koshish mein KHasara ho bhi sakta hai

rahenge sath phir bhi hum mohabbat mar gai kya gham

ki masnui tanaffus par guzara ho bhi sakta hai

agar aankhen na bhar aaen to dil muTThi mein aaega

hua hai haal jo mera tumhaara ho bhi sakta hai

khuli aankhon mein Thahra KHwab kaise TuT sakta hai

guman ye zindagi bhar ka sahaara ho bhi sakta hai

jo itni jagmagahaT dekhte ho aas-pas apne

ye meri aankh se TuTa sitara ho bhi sakta hai

hamein hairat se mat dekho ab aisa kya kiya hum ne

zamini ishq hai sahab dobara ho bhi sakta hai