wo aae aur pas se ho kar guzar gae

vo aa.e aur paas se ho kar guzar ga.e

ham dekhte hī rah ga.e jaane kidhar ga.e

shāyad ye sab navishta-e-taqdīr hī to hai

saare hasīn ḳhvāb jo dekhe bikhar ga.e

vo aise be-ḳhabar haiñ ki ye bhī ḳhabar nahīñ

ham imtihān-e-shauq meñ jaañ se guzar ga.e

pūchhā kisī ne tark-e-ta'alluq kā jab sabab

aañsū hamārī chashm-e-mohabbat meñ bhar ga.e

baiThe haiñ ek ham hī tire intizār meñ

aa.e the jitne log sabhī apne ghar ga.e

wo aae aur pas se ho kar guzar gae

hum dekhte hi rah gae jaane kidhar gae

shayad ye sab nawishta-e-taqdir hi to hai

sare hasin KHwab jo dekhe bikhar gae

wo aise be-KHabar hain ki ye bhi KHabar nahin

hum imtihan-e-shauq mein jaan se guzar gae

puchha kisi ne tark-e-ta'alluq ka jab sabab

aansu hamari chashm-e-mohabbat mein bhar gae

baiThe hain ek hum hi tere intizar mein

aae the jitne log sabhi apne ghar gae