wo aai sham-e-gham waqf-e-bala hone ka waqt aaya

vo aa.ī shām-e-ġham vaqf-e-balā hone kā vaqt aayā

taḌapne loTne kā dam fanā hone kā vaqt aayā

unheñ apnī jafāoñ par pashemānī huī āḳhir

sharīk-e-mātam-e-ahl-e-vafā hone kā vaqt aayā

udāsī har sahar kahtī hai mujh se bazm-e-anjum kī

uTh ai ġham-dīda uTh mahv-e-bukā hone kā vaqt aayā

tirā milnā kise miltā hai mamnūn-e-muqaddar huuñ

magar afsos milte hī judā hone kā vaqt aayā

bahār aa.ī har ik zarre se phūTī husn kī duniyā

fareb-e-mā-sivā ke haq-numā hone kā vaqt aayā

qayāmat-ḳhez hai husn-e-chaman ai bulbul-e-nālāñ

tire nāloñ se phir mahshar bapā hone kā vaqt aayā

mirī TuuTī huī kashtī thapeḌe mauj-e-tūfāñ ke

ḳhudā-e-pāk tere nāḳhudā hone kā vaqt aayā

javānī jā chukī 'mahrūm' zauq-e-ārzū kaisā

tumhāre be-niyāz-e-mudda.ā hone kā vaqt aayā

wo aai sham-e-gham waqf-e-bala hone ka waqt aaya

taDapne loTne ka dam fana hone ka waqt aaya

unhen apni jafaon par pashemani hui aaKHir

sharik-e-matam-e-ahl-e-wafa hone ka waqt aaya

udasi har sahar kahti hai mujh se bazm-e-anjum ki

uTh ai gham-dida uTh mahw-e-buka hone ka waqt aaya

tera milna kise milta hai mamnun-e-muqaddar hun

magar afsos milte hi juda hone ka waqt aaya

bahaar aai har ek zarre se phuTi husn ki duniya

fareb-e-ma-siwa ke haq-numa hone ka waqt aaya

qayamat-KHez hai husn-e-chaman ai bulbul-e-nalan

tere nalon se phir mahshar bapa hone ka waqt aaya

meri TuTi hui kashti thapeDe mauj-e-tufan ke

KHuda-e-pak tere naKHuda hone ka waqt aaya

jawani ja chuki 'mahrum' zauq-e-arzu kaisa

tumhaare be-niyaz-e-muddaa hone ka waqt aaya