wo aalam tishnagi ka hai safar aasan nahin lagta
wo aalam tishnagi ka hai safar aasan nahin lagta
Sabeela Inam Siddiqui
MORE BYSabeela Inam Siddiqui
vo aalam tishnagī kā hai safar āsāñ nahīñ lagtā
ba-zāhir to mujhe bārish kā bhī imkāñ nahīñ lagtā
ye dil jāgīr hai jis kī usī ke naam kar dī hai
jo mere dil ke āñgan meñ mujhe mehmāñ nahīñ lagtā
shu.ūr-o-āgahī kaisī koī vahshī koī sarkash
ye kaisā desh hai jis meñ koī insāñ nahīñ lagtā
na.ī qadreñ na.ī tahzīb kā āġhāz hotā hai
gulistān-e-adab hargiz kabhī vīrāñ nahīñ lagtā
na ho mahfūz māl-o-zar na izzat-ābrū hī jab
to phir zinda kisī kā bhī mujhe īmāñ nahīñ lagtā
kahāñ kā faḳhr kaisā naaz man-ānam ki man-dānam
magar jo rab se paayā hai mujhe arzāñ nahīñ lagtā
ḳhudā rakkhe 'sabīla' har ghaḌī māñ-bāp kā saaya
duā se jin kī tūfāñ bhī mujhe tūfāñ nahīñ lagtā
wo aalam tishnagi ka hai safar aasan nahin lagta
ba-zahir to mujhe barish ka bhi imkan nahin lagta
ye dil jagir hai jis ki usi ke nam kar di hai
jo mere dil ke aangan mein mujhe mehman nahin lagta
shuur-o-agahi kaisi koi wahshi koi sarkash
ye kaisa desh hai jis mein koi insan nahin lagta
nai qadren nai tahzib ka aaghaz hota hai
gulistan-e-adab hargiz kabhi viran nahin lagta
na ho mahfuz mal-o-zar na izzat-abru hi jab
to phir zinda kisi ka bhi mujhe iman nahin lagta
kahan ka faKHr kaisa naz man-anam ki man-danam
magar jo rab se paya hai mujhe arzan nahin lagta
KHuda rakkhe 'sabila' har ghaDi man-bap ka saya
dua se jin ki tufan bhi mujhe tufan nahin lagta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
