wo aap ke qarin hai use dekhna nahin

vo aap ke qarīñ hai use dekhnā nahīñ

vo bhī to mah-jabīñ hai use dekhnā nahīñ

jis ghar meñ jāguzīñ hai use dekhnā nahīñ

kis kis kā ham-nashīñ hai use dekhnā nahīñ

jo satah par hai chiiz use dekhnā hī kyā

jo chiiz tah-nashīñ hai use dekhnā nahīñ

shāyad tire jamāl ko samt ik na.ī mile

tujh se bhī jo hasīñ hai use dekhnā nahīñ

dhartī pe reñgte hue dekhe to hoñge saañp

jo mār-e-āstīñ hai use dekhnā nahīñ

uupar se chāq-o-chust vo lagtā zarūr hai

andar se vo hazīñ hai use dekhnā nahīñ

raqsāñ thī lab pe us ke vo muskān dekh lī

chiiñ se jo pur-jabīñ hai use dekhnā nahīñ

jo chal diyā kahīñ to use mil na pā.egā

vo to abhī yahīñ hai use dekhnā nahīñ

maanā pisar kapūt hai laḳht-e-jigar to hai

ye saañs vāpsīñ hai ise dekhnā nahīñ

tere vajūd kī jo kabhī tarjumān thī

haañ ye vo yāsmīñ hai ise dekhnā nahīñ

jo ḳhaak se banā hai use dekhtā hai tū

jo jism-e-ātishīñ hai use dekhnā nahīñ

wo aap ke qarin hai use dekhna nahin

wo bhi to mah-jabin hai use dekhna nahin

jis ghar mein jaguzin hai use dekhna nahin

kis kis ka ham-nashin hai use dekhna nahin

jo satah par hai chiz use dekhna hi kya

jo chiz tah-nashin hai use dekhna nahin

shayad tere jamal ko samt ek nai mile

tujh se bhi jo hasin hai use dekhna nahin

dharti pe rengte hue dekhe to honge sanp

jo mar-e-astin hai use dekhna nahin

upar se chaq-o-chust wo lagta zarur hai

andar se wo hazin hai use dekhna nahin

raqsan thi lab pe us ke wo muskan dekh li

chin se jo pur-jabin hai use dekhna nahin

jo chal diya kahin to use mil na paega

wo to abhi yahin hai use dekhna nahin

mana pisar kaput hai laKHt-e-jigar to hai

ye sans wapsin hai ise dekhna nahin

tere wajud ki jo kabhi tarjuman thi

han ye wo yasmin hai ise dekhna nahin

jo KHak se bana hai use dekhta hai tu

jo jism-e-atishin hai use dekhna nahin