wo aariz gulabi wo gesu ghanere

vo aariz gulābī vo gesū ghanere

isī samt haiñ dīda-o-dil ke phere

ujāle kī rūdād vo dil likhegā

ki jis dil se paspā hue haiñ añdhere

baḌā farq hai tere mere jahāñ meñ

idhar zulmat-e-shab udhar haiñ savere

kisī se kabhī āp-bītī na kahnā

umaD ā.eñge har taraf se añdhere

ḳhulūs-o-dil-o-jāñ mirī kam-nigāhī

fareb-e-musalsal bhī ehsān tere

vo ik va.ada-e-jām-e-sarshār-o-rañgīñ

vo ik shaam lekin hazāroñ savere

har ik fitna-gar dekh le rañg-e-'saifī'

isī āshiyāne meñ sukh ke basere

wo aariz gulabi wo gesu ghanere

isi samt hain dida-o-dil ke phere

ujale ki rudad wo dil likhega

ki jis dil se paspa hue hain andhere

baDa farq hai tere mere jahan mein

idhar zulmat-e-shab udhar hain sawere

kisi se kabhi aap-biti na kahna

umaD aaenge har taraf se andhere

KHulus-o-dil-o-jaan meri kam-nigahi

fareb-e-musalsal bhi ehsan tere

wo ek wada-e-jam-e-sarshaar-o-rangin

wo ek sham lekin hazaron sawere

har ek fitna-gar dekh le rang-e-'saifi'

isi aashiyane mein sukh ke basere