wo aate-jate idhar dekhta zara sa hai
vo āte-jāte idhar dekhtā zarā sā hai
nahīñ hai rabt magar rābta zarā sā hai
ye kūfiyoñ kī kahānī hai mere dost magar
yahāñ pe aap kā bhī tazkira zarā sā hai
ab us ko kāTne meñ jaane kitnī umr lage
hamāre darmiyāñ jo fāsla zarā sā hai
nigāh ek saḌak hai aur us kī manzil-e-dil
idhar se jaave to ye rāsta zarā sā hai
tujhe lagā ki tū kar legā sabr mere baġhair
tū kar ke dekh hī le tajraba zarā sā hai
idhar 'kabīr' bagūle havā ke tund-o-tez
aur is taraf ye akelā diyā zarā sā hai
wo aate-jate idhar dekhta zara sa hai
nahin hai rabt magar rabta zara sa hai
ye kufiyon ki kahani hai mere dost magar
yahan pe aap ka bhi tazkira zara sa hai
ab us ko kaTne mein jaane kitni umr lage
hamare darmiyan jo fasla zara sa hai
nigah ek saDak hai aur us ki manzil-e-dil
idhar se jawe to ye rasta zara sa hai
tujhe laga ki tu kar lega sabr mere baghair
tu kar ke dekh hi le tajraba zara sa hai
idhar 'kabir' bagule hawa ke tund-o-tez
aur is taraf ye akela diya zara sa hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
