وہ اب دل سے تمہارے جا رہا ہے
وہ اب دل سے تمہارے جا رہا ہے
تمہیں اس کا خیال اب آ رہا ہے
میں اس کے ساتھ کو ترسا کروں گی
جو میرے ساتھ بھی تنہا رہا ہے
تو اب یہ دکھ بھی دنیا بانٹ لے گی
مجھے اس بات کا غم کھا رہا ہے
اسے تم سے محبت ہو گئی ہے
تمہارے سامنے شرما رہا ہے
بہت سے لوگ مجھ میں رو رہے ہیں
بس اک وہ ہے کہ ہنستا جا رہا ہے
جو رستے میں اکیلا رہ گیا تھا
وہ سب کو راستہ دکھلا رہا ہے
بشرطے یہ کہ کوئی بھی نہ نکلے
ہر اک دروازہ کھولا جا رہا ہے
ملوث ہے گناہوں میں تو وہ بھی
خدا کا ذکر جو کرتا رہا ہے
بہاروں سے اسے کیا لینا دینا
جو اندر سے ہی اب مرجھا رہا ہے
تمہیں اچھی نہیں لگتی یہ دنیا
فرشتوں سے یہ پوچھا جا رہا ہے
غزل کے شعر تو سب ہو گئے ہیں
مکمل ایک ہی مصرعہ رہا ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
