wo agar be-hijab ho jata

vo agar be-hijāb ho jaatā

ḳhalq meñ inqalāb ho jaatā

dil se hotī agar duī mādūm

zarra bhī āftāb ho jaatā

hashr tak hosh meñ na aate 'kalīm'

vo agar be-naqāb ho jaatā

ātish-e-ishq ne jigar phūñkā

dil bhī jal kar kabāb ho jaatā

tum pilāte jo haath se apne

har qadah āftāb ho jaatā

ishq meñ lutf hai taḌapne kā

ye sukūn iztirāb ho jaatā

dil lagānā savāb thā lekin

jī chhuḌānā azaab ho jaatā

na lagāte butoñ se dil aasī

na zamāna ḳharāb ho jaatā

wo agar be-hijab ho jata

KHalq mein inqalab ho jata

dil se hoti agar dui madum

zarra bhi aaftab ho jata

hashr tak hosh mein na aate 'kalim'

wo agar be-naqab ho jata

aatish-e-ishq ne jigar phunka

dil bhi jal kar kabab ho jata

tum pilate jo hath se apne

har qadah aaftab ho jata

ishq mein lutf hai taDapne ka

ye sukun iztirab ho jata

dil lagana sawab tha lekin

ji chhuDana azab ho jata

na lagate buton se dil aasi

na zamana KHarab ho jata