wo andalib hun ki sada mujhko gham raha

vo andalīb huuñ ki sadā mujh ko ġham rahā

bāġh-e-jahāñ meñ naḳhl-e-tamannā qalam rahā

vahshī vo huuñ ki hadd-e-adam se na baḌh gayā

sahrā meñ qais kā maiñ qadm-dar-qadam rahā

manzūr un ko saaf haiñ va.ada-ḳhilāfiyāñ

ai intizār kyoñ mirī āñkhoñ meñ dam rahā

aksar mirī ġhazal meñ jo nukte haiñ ramz haiñ

aajiz jabhī sanā meñ har ahl-e-qalam rahā

aadat sujūd kī jo thī ahd-e-shabāb meñ

piirī meñ bhī sadā qad-e-āshiq meñ ḳham rahā

zarra na.ī ġhazal kahī 'yaktā' ke faiz se

go dard-e-mashq-e-sher-o-suḳhan tujh ko kam rahā

wo andalib hun ki sada mujh ko gham raha

bagh-e-jahan mein naKHl-e-tamanna qalam raha

wahshi wo hun ki hadd-e-adam se na baDh gaya

sahra mein qais ka main qadm-dar-qadam raha

manzur un ko saf hain wada-KHilafiyan

ai intizar kyon meri aankhon mein dam raha

aksar meri ghazal mein jo nukte hain ramz hain

aajiz jabhi sana mein har ahl-e-qalam raha

aadat sujud ki jo thi ahd-e-shabab mein

piri mein bhi sada qad-e-ashiq mein KHam raha

zarra nai ghazal kahi 'yakta' ke faiz se

go dard-e-mashq-e-sher-o-suKHan tujh ko kam raha