wo anjuman mein raat ajab shan se gae

vo anjuman meñ raat ajab shaan se ga.e

īmān chiiz kyā thī ka.ī jaan se ga.e

maiñ to gayā huā thā hazāroñ naqāb meñ

lekin akelā dekh ke pahchān se ga.e

vo sham.a ban ke ḳhud hī akele jalā kiyā

parvāne kal kī raat pareshān se ga.e

aayā tirā salām na aayā hai ḳhat koī

ham āḳhirī safar ke bhī sāmān se ga.e

'rāhī' jise ḳhudā bhī na samjhā sakā kabhī

baiThe-biThā.e dekh lo ab maan se ga.e

wo anjuman mein raat ajab shan se gae

iman chiz kya thi kai jaan se gae

main to gaya hua tha hazaron naqab mein

lekin akela dekh ke pahchan se gae

wo shama ban ke KHud hi akele jala kiya

parwane kal ki raat pareshan se gae

aaya tera salam na aaya hai KHat koi

hum aaKHiri safar ke bhi saman se gae

'rahi' jise KHuda bhi na samjha saka kabhi

baiThe-biThae dekh lo ab man se gae