وہ اپنے پیاسوں کو جب بھی سزائیں دیتے ہیں

وہ اپنے پیاسوں کو جب بھی سزائیں دیتے ہیں

تو کینوس پہ بنا کر گھٹائیں دیتے ہیں

درخت ویسے تو ساکت ہیں پر سکوں بھی مگر

کوئی جو چھیڑے تو پھر یہ ہوائیں دیتے ہیں

یہ لوگ کون ہیں کیسے ہیں کیا ہیں اور کیوں ہیں

فقیر بن کے جو دردر صدائیں دیتے ہیں

جب ان کی ایک نظر بھی نہیں ہماری طرف

تو اپنے آپ کو ہم کیوں گنوائیں دیتے ہیں

ہمارے شہر میں ایسے بزرگ ہیں اب بھی

جو اک سلام پہ لاکھوں دعائیں دیتے ہیں

انہیں کے ہاتھ پہ بیعت کریں چلو ہم بھی

جو زندگی نہیں دیتے قضائیں دیتے ہیں