wo apne pyason ko jab bhi sazaen dete hain

vo apne pyāsoñ ko jab bhī sazā.eñ dete haiñ

to canvas pe banā kar ghaTā.eñ dete haiñ

daraḳht vaise to sākit haiñ pur-sukūñ bhī magar

koī jo chheḌe to phir ye havā.eñ dete haiñ

ye log kaun haiñ kaise haiñ kyā haiñ aur kyoñ haiñ

faqīr ban ke jo dar-dar sadā.eñ dete haiñ

jab un kī ek nazar bhī nahīñ hamārī taraf

to apne aap ko ham kyoñ gañvā.eñ dete haiñ

hamāre shahr meñ aise buzurg haiñ ab bhī

jo ik salām pe lākhoñ du'ā.eñ dete haiñ

unhīñ ke haath pe bai'at kareñ chalo ham bhī

jo zindagī nahīñ dete qazā.eñ dete haiñ

wo apne pyason ko jab bhi sazaen dete hain

to canwas pe bana kar ghaTaen dete hain

daraKHt waise to sakit hain pur-sukun bhi magar

koi jo chheDe to phir ye hawaen dete hain

ye log kaun hain kaise hain kya hain aur kyon hain

faqir ban ke jo dar-dar sadaen dete hain

jab un ki ek nazar bhi nahin hamari taraf

to apne aap ko hum kyon ganwaen dete hain

hamare shahr mein aise buzurg hain ab bhi

jo ek salam pe lakhon du'aen dete hain

unhin ke hath pe bai'at karen chalo hum bhi

jo zindagi nahin dete qazaen dete hain