wo apni aan mein gum hai main apni aan mein gum

vo apnī aan meñ gum hai maiñ apnī aan meñ gum

ye aur baat ki donoñ haiñ jhūTī shaan meñ gum

maiñ huuñ yaqīn meñ gum aur vo gumān meñ gum

tamām rasm-e-mohabbat hai darmiyān meñ gum

mire fasāna-e-dil meñ chhupā hai naam tirā

mirā bhī naam hai kuchh terī dāstān meñ gum

bahut ajiib hai ye bhī bulandī-o-pastī

koī zamīn meñ gum koī āsmān meñ gum

har ek shai kī maiñ qīmat lagā.e phirtā huuñ

ye kārobār hai kyā hoñ ye kis dukān meñ gum

vasī.a kitnā hai 'rizvān' dil kā aalam bhī

tamām ahl-e-jahāñ haiñ isī jahān meñ gum

wo apni aan mein gum hai main apni aan mein gum

ye aur baat ki donon hain jhuTi shan mein gum

main hun yaqin mein gum aur wo guman mein gum

tamam rasm-e-mohabbat hai darmiyan mein gum

mere fasana-e-dil mein chhupa hai nam tera

mera bhi nam hai kuchh teri dastan mein gum

bahut ajib hai ye bhi bulandi-o-pasti

koi zamin mein gum koi aasman mein gum

har ek shai ki main qimat lagae phirta hun

ye karobar hai kya hon ye kis dukan mein gum

wasia kitna hai 'rizwan' dil ka aalam bhi

tamam ahl-e-jahan hain isi jahan mein gum