wo apni jaan par aisa ghazab karega kyon

vo apnī jaan par aisā ġhazab karegā kyoñ

mire liye bhalā tark-e-nasab karegā kyoñ

maiñ mutma.in huuñ nahīñ kuchh bhī ab gañvāne ko

so merā qatl koī be-sabab karegā kyoñ

utaar aayā huuñ maiñ jhuuT ke libāde sab

mirī talāsh tirā shahr ab karegā kyoñ

jise charāġh mile hoñ jale-jalā.e hue

vo raushnī kā zarā bhī adab karegā kyoñ

jo mere saath kabhī jaag bhī nahīñ paayā

vo mujh se ḳhvāboñ kī daulat talab karegā kyoñ

wo apni jaan par aisa ghazab karega kyon

mere liye bhala tark-e-nasab karega kyon

main mutmain hun nahin kuchh bhi ab ganwane ko

so mera qatl koi be-sabab karega kyon

utar aaya hun main jhuT ke libaade sab

meri talash tera shahr ab karega kyon

jise charagh mile hon jale-jalae hue

wo raushni ka zara bhi adab karega kyon

jo mere sath kabhi jag bhi nahin paya

wo mujh se KHwabon ki daulat talab karega kyon