wo apni zat mein gum tha niDhaal aisa tha

vo apnī zaat meñ gum thā niDhāl aisā thā

mizāj pūchhne vaale kā haal aisā thā

koī charāġh sā chehra idhar nahīñ aayā

maiñ nā-murād thā yaaro ki saal aisā thā

dabā diyā thā kisī haath ko añdhere meñ

vo jaan jā.egā merā ḳhayāl aisā thā

maiñ gard-e-rāh-e-safar thā kahāñ thā naqsh mirā

alag alag thā maiñ sab se kamāl aisā thā

vo zahr qurb mujhe de ke phūñk Dālegā

use ġhurūr thā us kā jalāl aisā thā

duā salām na hogī nagar bhī chhoḌūñgā

vo Tāltā bhī to kaise savāl aisā thā

wo apni zat mein gum tha niDhaal aisa tha

mizaj puchhne wale ka haal aisa tha

koi charagh sa chehra idhar nahin aaya

main na-murad tha yaro ki sal aisa tha

daba diya tha kisi hath ko andhere mein

wo jaan jaega mera KHayal aisa tha

main gard-e-rah-e-safar tha kahan tha naqsh mera

alag alag tha main sab se kamal aisa tha

wo zahr qurb mujhe de ke phunk Dalega

use ghurur tha us ka jalal aisa tha

dua salam na hogi nagar bhi chhoDunga

wo Talta bhi to kaise sawal aisa tha