wo aur honge nufus be-dil jo kahkashaen shumarte hain

vo aur hoñge nufūs be-dil jo kahkashā.eñ shumārte haiñ

ye raat hai puure chāñd kī ham tirī mohabbat hisārte haiñ

baḌī mahārat se us kī sāñsoñ meñ naġhmagī kar rahe haiñ paidā

vo jitnā anjān ban rahā hai ham utnā us ko nihārte haiñ

tumhārī nazroñ kā hai muqaddar ye jhiil kā pur-sukūn paanī

ham apnī āñkhoñ ke canvas par hazār maujeñ ubhārte haiñ

sabhī musāfir chaleñ agar ek ruḳh to kyā hai mazā safar kā

tum apne imkāñ talāsh kar lo mujhe parinde pukārte haiñ

tumhīñ se 'sābir' huī hai kotāhī tīrgī kī muhāfizat meñ

sunā nahīñ thā kabhī ye pahle ki jugnū shab-ḳhūn mārte haiñ

wo aur honge nufus be-dil jo kahkashaen shumarte hain

ye raat hai pure chand ki hum teri mohabbat hisarte hain

baDi mahaarat se us ki sanson mein naghmagi kar rahe hain paida

wo jitna anjaan ban raha hai hum utna us ko nihaarte hain

tumhaari nazron ka hai muqaddar ye jhil ka pur-sukun pani

hum apni aankhon ke canwas par hazar maujen ubhaarte hain

sabhi musafir chalen agar ek ruKH to kya hai maza safar ka

tum apne imkan talash kar lo mujhe parinde pukarte hain

tumhin se 'sabir' hui hai kotahi tirgi ki muhafizat mein

suna nahin tha kabhi ye pahle ki jugnu shab-KHun marte hain