wo baad-e-saba rashk-e-chaman yaad rahegi

vo bād-e-sabā rashk-e-chaman yaad rahegī

vo jān-e-ġhazal vaj.h-e-suḳhan yaad rahegī

bebāk se gesū liye maḳhmūr nigāheñ

vo ġhuncha-dahan sho'la-badan yaad rahegī

kuchh ḳhauf-e-tamāsha thā na rusvā.ī kā Dar thā

kitnā thī vo chāhat meñ magan yaad rahegī

ik shauq-e-mulāqāt meñ ham so nahīñ paa.e

jaagī huī rātoñ kī thakan yaad rahegī

jis ne mirī rāhoñ meñ baḌe ḳhaar bichhā.e

ik dost bhī thā jis kī lagan yaad rahegī

maiñ yaad rahūñ yā na rahūñ tujh ko zamāne

lekin mirī har tarz-e-suḳhan yaad rahegī

kāñToñ kī to fitrat hai gila un se nahīñ hai

maalī tire phūloñ kī chubhan yaad rahegī

wo baad-e-saba rashk-e-chaman yaad rahegi

wo jaan-e-ghazal wajh-e-suKHan yaad rahegi

bebak se gesu liye maKHmur nigahen

wo ghuncha-dahan sho'la-badan yaad rahegi

kuchh KHauf-e-tamasha tha na ruswai ka Dar tha

kitna thi wo chahat mein magan yaad rahegi

ek shauq-e-mulaqat mein hum so nahin pae

jagi hui raaton ki thakan yaad rahegi

jis ne meri rahon mein baDe KHar bichhae

ek dost bhi tha jis ki lagan yaad rahegi

main yaad rahun ya na rahun tujh ko zamane

lekin meri har tarz-e-suKHan yaad rahegi

kanTon ki to fitrat hai gila un se nahin hai

mali tere phulon ki chubhan yaad rahegi