وہ بار بار مرا دل خوشی سے توڑے پر

وہ بار بار مرا دل خوشی سے توڑے پر

نہ آندھیوں میں کبوتر میاں کے چھوڑے پر

جہاں وہ دفن ہوئے تھے گلاب اگنے لگے

شدید ظلم ہوا تھا غریب جوڑے پر

کبھی تو سائے میں بیٹھا کرو بزرگوں کے

سوار رہتے ہو ہر پل ہوا کے گھوڑے پر

وہ آج رات بھی پل بھر کو خواب میں آئے

گزارہ آج بھی ہم نے کیا ہے تھوڑے پر

تمہارا سانپ تمہی کو نگلنے والا ہے

کہ بے خطاؤں کا خوں ہے تمہارے کوڑے پر

ہمارے پاؤں کے نیچے بھی کچھ ستارے ہوں

توجہ اس لیے کی راستے کے روڑے پر

یہ نیند ہے کہ کوئی موت ٹوٹتی ہی نہیں

سعودؔ ہر طرح شاہین کے جھنجھوڑے پر