wo bar bar mera dil KHushi se toDe par

vo baar baar mirā dil ḳhushī se toḌe par

na āñdhiy.oñ meñ kabūtar miyāñ ke chhoḌe par

jahāñ vo dafn hue the gulāb ugne lage

shadīd zulm huā thā ġharīb joḌe par

kabhī to saa.e meñ baiThā karo buzurgoñ ke

savār rahte ho har pal havā ke ghoḌe par

vo aaj raat bhī pal-bhar ko ḳhvāb meñ aa.e

guzāra aaj bhī ham ne kiyā hai thoḌe par

tumhārā saañp tumhī ko nigalne vaalā hai

ki be-ḳhatāoñ kā ḳhuuñ hai tumhāre koḌe par

hamāre paañv ke nīche bhī kuchh sitāre hoñ

tavajjoh is liye kī rāste ke roḌe par

ye niiñd hai ki koī maut TūTtī hī nahīñ

'sa'ūd' har tarah shāhīn ke jhiñjhoḌe par

wo bar bar mera dil KHushi se toDe par

na aandhiyon mein kabutar miyan ke chhoDe par

jahan wo dafn hue the gulab ugne lage

shadid zulm hua tha gharib joDe par

kabhi to sae mein baiTha karo buzurgon ke

sawar rahte ho har pal hawa ke ghoDe par

wo aaj raat bhi pal-bhar ko KHwab mein aae

guzara aaj bhi hum ne kiya hai thoDe par

tumhaara sanp tumhi ko nigalne wala hai

ki be-KHataon ka KHun hai tumhaare koDe par

hamare panw ke niche bhi kuchh sitare hon

tawajjoh is liye ki raste ke roDe par

ye nind hai ki koi maut TuTti hi nahin

'sa'ud' har tarah shahin ke jhinjhoDe par