wo baat baat pe kahta hai bewafa mujhko

vo baat baat pe kahtā hai bevafā mujh ko

sikhā diyā unhīñ bātoñ ne bolnā mujh ko

maiñ apnī zaat meñ gum ho gayā thā sab se duur

tirī nazar se milā hai mirā pata mujh ko

haqīqatoñ se nazar kab talak churā.uñgā

ki baar baar dikhātī haiñ aa.ina mujh ko

vo chāhtā thā ki maiñ us kī ik jhalak dekhūñ

maiñ sochtā thā kahīñ se vo de sadā mujh ko

bhulā.e baiThā thā jis ko maiñ ek muddat se

na jaane kaise vo phir yaad aa gayā mujh ko

mire ḳhilāf 'qamar' jaane kis kī sāzish hai

banāyā jaatā hai har roz mas.ala mujh ko

wo baat baat pe kahta hai bewafa mujh ko

sikha diya unhin baaton ne bolna mujh ko

main apni zat mein gum ho gaya tha sab se dur

teri nazar se mila hai mera pata mujh ko

haqiqaton se nazar kab talak churaunga

ki bar bar dikhati hain aaina mujh ko

wo chahta tha ki main us ki ek jhalak dekhun

main sochta tha kahin se wo de sada mujh ko

bhulae baiTha tha jis ko main ek muddat se

na jaane kaise wo phir yaad aa gaya mujh ko

mere KHilaf 'qamar' jaane kis ki sazish hai

banaya jata hai har roz masala mujh ko