wo baaten ishq kahta tha ki sara ghar mahakta tha
vo bāteñ ishq kahtā thā ki saarā ghar mahaktā thā
mirā mahbūb jaise gul thā aur bulbul chahaktā thā
safar meñ shaam ho jaatī to dil meñ sham.eñ jal uThtīñ
lahū meñ phuul khil jaate jahāñ ġhuncha chaTaktā thā
kabhī maiñ sarv kī sūrat nazar aatā thā yāroñ ko
kabhī ġhunche kī sūrat apne hī dil meñ dhaḌaktā thā
ḳhudā jaane maiñ us ke saath rahtā thā ki ā.īna
mire parde meñ apne-āp ko hairat se taktā thā
ḳhudā jaane vo kaisā aadmī thā jis ke māthe par
koī bindiyā lagātā thā to ik jugnū chamaktā thā
kabhī rahtā thā us ke saath maiñ us ke garebāñ meñ
kabhī furqat meñ apne aa.ine par sar paTaktā thā
añdherī raat jab sāvan meñ aatī thī to ik bulbul
ḳhudā jaane kahāñ se aa ke mere ghar chahaktā thā
wo baaten ishq kahta tha ki sara ghar mahakta tha
mera mahbub jaise gul tha aur bulbul chahakta tha
safar mein sham ho jati to dil mein shamen jal uThtin
lahu mein phul khil jate jahan ghuncha chaTakta tha
kabhi main sarw ki surat nazar aata tha yaron ko
kabhi ghunche ki surat apne hi dil mein dhaDakta tha
KHuda jaane main us ke sath rahta tha ki aaina
mere parde mein apne-ap ko hairat se takta tha
KHuda jaane wo kaisa aadmi tha jis ke mathe par
koi bindiya lagata tha to ek jugnu chamakta tha
kabhi rahta tha us ke sath main us ke gareban mein
kabhi furqat mein apne aaine par sar paTakta tha
andheri raat jab sawan mein aati thi to ek bulbul
KHuda jaane kahan se aa ke mere ghar chahakta tha
- Book : Ghazal Calendar-2015 (Pg. 17.10.2015)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
