wo band muTThiyon ko meri kholne na de
vo band muTThiyoñ ko mirī kholne na de
ġhairat magar zabāñ se mujhe bolne na de
chāroñ taraf se mujh ko bulātā hai āsmāñ
lekin kashish zamīn kī par tolne na de
vo muskurā rahā hai kañval ban ke fikr meñ
kīchaḌ meñ apnā jism mujhe gholne na de
dīvār-e-shab ko toḌ ke dar aa.ī raushnī
ḳhvāb-e-girāñ ki aañkh idhar kholne na de
roke hai talḳh baat se mīThī zabāñ mirī
ik buuñd zahr sidq mujhe gholne na de
hīroñ meñ taultā hai vahī apne aap ko
jo mujh ko bahr-e-ġham se guhar rolne na de
kahtā hai misl-e-saiqal-e-ā.īna sher ko
apne meñ koī rañg 'razā' gholne na de
wo band muTThiyon ko meri kholne na de
ghairat magar zaban se mujhe bolne na de
chaaron taraf se mujh ko bulata hai aasman
lekin kashish zamin ki par tolne na de
wo muskura raha hai kanwal ban ke fikr mein
kichaD mein apna jism mujhe gholne na de
diwar-e-shab ko toD ke dar aai raushni
KHwab-e-giran ki aankh idhar kholne na de
roke hai talKH baat se miThi zaban meri
ek bund zahr sidq mujhe gholne na de
hiron mein taulta hai wahi apne aap ko
jo mujh ko bahr-e-gham se guhar rolne na de
kahta hai misl-e-saiqal-e-aina sher ko
apne mein koi rang 'raza' gholne na de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
