wo barg-e-KHushk tha aur daman-e-bahaar mein tha

vo barg-e-ḳhushk thā aur dāman-e-bahār meñ thā

numūd-e-nau kī bashārat ke intizār meñ thā

mirī rafīq-e-safar thiiñ hasad bharī nazreñ

vo āsmān thā aur mere iḳhtiyār meñ thā

bikhar gayā hai to ab dil nigār-ḳhāna hai

ġhazab kā rañg us ik naqsh-e-e'tibār meñ thā

ab aa gayā hai to vīrāniyoñ par tanz na kar

tirā makāñ isī ujḌe hue dayār meñ thā

likhe the naam mire qatl karne vāloñ ke

ajiib baat hai maiñ bhī isī shumār meñ thā

mujhe thā zo.am magar maiñ bikhar gayā 'mohsin'

vo reza reza thā aur apne iḳhtiyār meñ thā

wo barg-e-KHushk tha aur daman-e-bahaar mein tha

numud-e-nau ki bashaarat ke intizar mein tha

meri rafiq-e-safar thin hasad bhari nazren

wo aasman tha aur mere iKHtiyar mein tha

bikhar gaya hai to ab dil nigar-KHana hai

ghazab ka rang us ek naqsh-e-e'tibar mein tha

ab aa gaya hai to viraniyon par tanz na kar

tera makan isi ujDe hue dayar mein tha

likhe the nam mere qatl karne walon ke

ajib baat hai main bhi isi shumar mein tha

mujhe tha zoam magar main bikhar gaya 'mohsin'

wo reza reza tha aur apne iKHtiyar mein tha