wo be-nawa rah-o-rasm-e-qalandari jaane

vo be-navā rah-o-rasm-e-qalandarī jaane

jo ḳhāk-e-tan pe libās-e-tavañgarī jaane

raqīb se tirī parḳhāsh dekh kar ai shoḳh

vahī ho ḳhush jo na ye jañg-e-zargarī jaane

adā-o-nāz-o-tabassum nigāh-e-gosha-e-chashm

so us ke kaun ye andāz-e-dilbarī jaane

jahāñ ke qatl se kyā ho use ḳhatar haihāt

jo shoḳh kuchh na ma.āl-e-sitamgarī jaane

dimāġh-e-bahas nahīñ ḳhārjī se ai 'māhir'

aqīda kaun mirā ġhair-haidarī jaane

wo be-nawa rah-o-rasm-e-qalandari jaane

jo KHak-e-tan pe libas-e-tawangari jaane

raqib se teri parKHash dekh kar ai shoKH

wahi ho KHush jo na ye jang-e-zargari jaane

ada-o-naz-o-tabassum nigah-e-gosha-e-chashm

so us ke kaun ye andaz-e-dilbari jaane

jahan ke qatl se kya ho use KHatar haihat

jo shoKH kuchh na maal-e-sitamgari jaane

dimagh-e-bahas nahin KHarji se ai 'mahir'

aqida kaun mera ghair-haidari jaane