wo be-ruKHi ki taghaful ki intiha kahiye

vo be-ruḳhī ki taġhāful kī intihā kahiye

ba-īñ-hama use kis dil se be-vafā kahiye

ġham-e-hayāt o ġham-e-kā.enāt se haT kar

kisī kī qāmat o gesū kā mājrā kahiye

vo munfa.il ho ki ho mushta.il balā se magar

kabhī to hāl-e-dil-e-zār-e-barmalā kahiye

batā.iye kaf-e-mahbūb dast-e-qātil ko

lahū ke daaġh ko gul-kārī-e-hinā kahiye

adab kā hai ye taqāzā ki us kī mahfil meñ

sukūt-e-nāz ko bhī naġhma o sadā kahiye

ham apne daur meñ jis bāñkpan se zinda haiñ

use ham ahl-e-mohabbat kā hausla kahiye

'surūr' hazrat-e-ġhālib ke rañg meñ bhī kabhī

hikāyat-e-karam-e-chashm-e-surma-sā kahiye

wo be-ruKHi ki taghaful ki intiha kahiye

ba-in-hama use kis dil se be-wafa kahiye

gham-e-hayat o gham-e-kaenat se haT kar

kisi ki qamat o gesu ka majra kahiye

wo munfail ho ki ho mushtail bala se magar

kabhi to haal-e-dil-e-zar-e-barmala kahiye

bataiye kaf-e-mahbub dast-e-qatil ko

lahu ke dagh ko gul-kari-e-hina kahiye

adab ka hai ye taqaza ki us ki mahfil mein

sukut-e-naz ko bhi naghma o sada kahiye

hum apne daur mein jis bankpan se zinda hain

use hum ahl-e-mohabbat ka hausla kahiye

'surur' hazrat-e-ghaalib ke rang mein bhi kabhi

hikayat-e-karam-e-chashm-e-surma-sa kahiye