wo bhi kya din the ki ulfat ka sabaq yaad na tha

vo bhī kyā din the ki ulfat kā sabaq yaad na thā

dard hamdard na thā ġham mirā ham-zād na thā

ġhair par hī tujhe manzūr thī navak-faganī

kyā sazā-vār-e-hadaf ye dil-e-nāshād na thā

tujh ko lāzim thā ayādat meñ dikhānā āñkheñ

aise bīmār ko jo qābil-e-fariyād na thā

jab pasand aa gayā un ko to maiñ qīmat kyā luuñ

maiñ samajh lūñgā ki merā dil-e-nāshād na thā

bol uThe aaj vo ḳhud apnī zabāñ se 'mahmūd'

sab meñ ik tū hī faqat shākī-e-bedād na thā

wo bhi kya din the ki ulfat ka sabaq yaad na tha

dard hamdard na tha gham mera ham-zad na tha

ghair par hi tujhe manzur thi nawak-fagani

kya saza-war-e-hadaf ye dil-e-nashad na tha

tujh ko lazim tha ayaadat mein dikhana aankhen

aise bimar ko jo qabil-e-fariyaad na tha

jab pasand aa gaya un ko to main qimat kya lun

main samajh lunga ki mera dil-e-nashad na tha

bol uThe aaj wo KHud apni zaban se 'mahmud'

sab mein ek tu hi faqat shaki-e-bedad na tha