wo bhi na khula basta-e-pindar the hum bhi

vo bhī na khulā basta-e-pindār the ham bhī

ḳhāmosh thā vo sūrat-e-dīvār the ham bhī

had-bandī-e-ehsās rahī umr-e-muayyan

aur dā.era-e-kār meñ parkār the ham bhī

ai nargis-e-vā-chashm tire auj ke din haiñ

terī hī tarah dīda-e-bedār the ham bhī

ham bhī the unhī meñ jo zabāñ se na phire the

phir ḳhalq ne dekhā ki sar-e-dār the ham bhī

aajir se jo ujrat hameñ pahuñchī yahī pahuñchī

jab qasr girā thā tah-e-dīvār the ham bhī

wo bhi na khula basta-e-pindar the hum bhi

KHamosh tha wo surat-e-diwar the hum bhi

had-bandi-e-ehsas rahi umr-e-muayyan

aur daera-e-kar mein parkar the hum bhi

ai nargis-e-wa-chashm tere auj ke din hain

teri hi tarah dida-e-bedar the hum bhi

hum bhi the unhi mein jo zaban se na phire the

phir KHalq ne dekha ki sar-e-dar the hum bhi

aajir se jo ujrat hamein pahunchi yahi pahunchi

jab qasr gira tha tah-e-diwar the hum bhi