wo but bol uTThe kisi baat mein
vo but bol uTThe kisī baat meñ
ḳhudā se ye māñgā munājāt meñ
Tapaktā bahut ḳhāna-e-chashm hai
makāñ baiTh jaatā hai barsāt meñ
chaman meñ hai gulchīñ kā khaTkā lagā
na sayyād sā ho kahīñ ghaat meñ
vahāñ va.az kā shor masjid meñ hai
yahāñ hā-o-hū hai ḳharābāt meñ
ye dāvat adāvat huī ai 'vaqār'
ki ho ġhair dāḳhil mudārāt meñ
wo but bol uTThe kisi baat mein
KHuda se ye manga munajat mein
Tapakta bahut KHana-e-chashm hai
makan baiTh jata hai barsat mein
chaman mein hai gulchin ka khaTka laga
na sayyaad sa ho kahin ghat mein
wahan waz ka shor masjid mein hai
yahan ha-o-hu hai KHarabaat mein
ye dawat adawat hui ai 'waqar'
ki ho ghair daKHil mudaraat mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
