wo chaal chal ki zamana bhi sath chalne lage

vo chaal chal ki zamāna bhī saath chalne lage

nigār-e-zīst tirī samt ruḳh badalne lage

vafūr-e-yās meñ muzhda hai kis ke aane kā

ye aaj kyuuñ sar-e-mizhgāñ charāġh jalne lage

zamāna pher le āñkheñ to kyā gilā us kā

sitam to ye hai ki tum bhī nazar badalne lage

mujhe ye Dar hai ba-īñ vasf-e-ehtirām-e-vafā

na terī chashm-e-mohabbat kahīñ badalne lage

ye dāġh-e-sajda to nañg-e-jabīñ hai ai zāhid

agar na soz-e-mohabbat se dil pighalne lage

na pūchh kis nigah-e-ḳhās kā tasarruf hai

qadam jo rāh-e-mohabbat meñ ḳhud sambhalne lage

'hamīd' shām-e-ġharībāñ kā kis liye shikva

vo dekh jānib-e-manzil charāġh jalne lage

wo chaal chal ki zamana bhi sath chalne lage

nigar-e-zist teri samt ruKH badalne lage

wafur-e-yas mein muzhda hai kis ke aane ka

ye aaj kyun sar-e-mizhgan charagh jalne lage

zamana pher le aankhen to kya gila us ka

sitam to ye hai ki tum bhi nazar badalne lage

mujhe ye Dar hai ba-in wasf-e-ehtiram-e-wafa

na teri chashm-e-mohabbat kahin badalne lage

ye dagh-e-sajda to nang-e-jabin hai ai zahid

agar na soz-e-mohabbat se dil pighalne lage

na puchh kis nigah-e-KHas ka tasarruf hai

qadam jo rah-e-mohabbat mein KHud sambhalne lage

'hamid' sham-e-ghariban ka kis liye shikwa

wo dekh jaanib-e-manzil charagh jalne lage