wo chashm mail-e-lutf-o-karam hui bhi to kab

vo chashm mā.il-e-lutf-o-karam huī bhī to kab

ujaḌ chukā hai dil apnī ḳhushī milī bhī to kab

utar chukā hai rag-e-jāñ meñ zahr-e-tanhā.ī

use bhī fursat-e-chāragarī milī bhī to kab

haiñ tā-ba-hadd-e-nazar silsile sarāboñ ke

shadīd-tar huā ehsās-e-tishnagī bhī to kab

sumūm-e-ġham ke asar se jhulas chukā hai badan

dayār-e-jāñ meñ havā-e-tarab chalī bhī to kab

ukhaḌtī sāñseñ aur is ruḳh kī diid ai 'ābid'

nazar kī pyaas bujhī to magar bujhī bhī to kab

wo chashm mail-e-lutf-o-karam hui bhi to kab

ujaD chuka hai dil apni KHushi mili bhi to kab

utar chuka hai rag-e-jaan mein zahr-e-tanhai

use bhi fursat-e-chaaragari mili bhi to kab

hain ta-ba-hadd-e-nazar silsile sarabon ke

shadid-tar hua ehsas-e-tishnagi bhi to kab

sumum-e-gham ke asar se jhulas chuka hai badan

dayar-e-jaan mein hawa-e-tarab chali bhi to kab

ukhaDti sansen aur is ruKH ki did ai 'abid'

nazar ki pyas bujhi to magar bujhi bhi to kab