wo chehre jo the husn ke tufan ki tarah

vo chehre jo the husn ke tūfān kī tarah

kamroñ meñ chup haiñ kāġhzī gul-dān kī tarah

ye chāñd ye bahār kī rāteñ gavāh haiñ

ham ab bhī apne ghar meñ haiñ mehmān kī tarah

be-shak huzūr aap ḳhudā kī tarah raheñ

jiine kā haq hameñ bhī hai insān kī tarah

maiñ aaj zindagī kī kaḌī manziloñ meñ huuñ

ḳhud kah rahā huuñ miliye to anjān kī tarah

pahle gumān ye thā ki maiñ ḳhud huuñ rāz-e-zīst

ab phir rahā huuñ shahr meñ nādān kī tarah

laao maiñ us ko sāġhar-e-dil meñ sambhāl luuñ

botal meñ ik parī hai mirī jaan kī tarah

ġhālib ke shahr shāhid-o-naġhma meñ ham salām

bikhre paḌe haiñ 'mīr' ke dīvān kī tarah

wo chehre jo the husn ke tufan ki tarah

kamron mein chup hain kaghzi gul-dan ki tarah

ye chand ye bahaar ki raaten gawah hain

hum ab bhi apne ghar mein hain mehman ki tarah

be-shak huzur aap KHuda ki tarah rahen

jine ka haq hamein bhi hai insan ki tarah

main aaj zindagi ki kaDi manzilon mein hun

KHud kah raha hun miliye to anjaan ki tarah

pahle guman ye tha ki main KHud hun raaz-e-zist

ab phir raha hun shahr mein nadan ki tarah

lao main us ko saghar-e-dil mein sambhaal lun

botal mein ek pari hai meri jaan ki tarah

ghaalib ke shahr shahid-o-naghma mein hum salam

bikhre paDe hain 'mir' ke diwan ki tarah