wo chilman se bijli girana tumhaara

vo chilman se bijlī girānā tumhārā

mujhe yaad hai muskurānā tumhārā

vo jaanā palaT kar na aanā tumhārā

na bhūlegā ye dil bahāna tumhārā

ayaañ ho gayā rāz-e-dil ahl-e-dil par

vo sharmā ke nazreñ jhukānā tumhārā

banā do ki chāhe miTā do kisī ko

ḳhudā.ī tumhārī zamāna tumhārā

kamāñ se nikal jo mire dil meñ aayā

vo tīr-e-nazar kā nishāna tumhārā

kalīsā meñ dair-o-haram meñ bhī DhūñDhā

na paayā kahīñ bhī Thikāna tumhārā

yaqīnan tumheñ yaad aatā to hogā

vo 'sāgar' vo āshiq dīvāna tumhārā

wo chilman se bijli girana tumhaara

mujhe yaad hai muskurana tumhaara

wo jaana palaT kar na aana tumhaara

na bhulega ye dil bahana tumhaara

ayan ho gaya raaz-e-dil ahl-e-dil par

wo sharma ke nazren jhukana tumhaara

bana do ki chahe miTa do kisi ko

KHudai tumhaari zamana tumhaara

kaman se nikal jo mere dil mein aaya

wo tir-e-nazar ka nishana tumhaara

kalisa mein dair-o-haram mein bhi DhunDha

na paya kahin bhi Thikana tumhaara

yaqinan tumhein yaad aata to hoga

wo 'sagar' wo aashiq diwana tumhaara