wo dard tumne diya hai ki be-qarar chale

vo dard tum ne diyā hai ki be-qarār chale

yahī hai 'ishq to ham haa.e dil pukār chale

vo ek laġhzish-e-tashḳhīs chārāgar terī

hameñ to aisā lagā zindagī guzār chale

har ek phuul nigāh-e-ḳhizāñ kī zad meñ hai

to kis tarah se bahāroñ kā kārobār chale

ho andalīb ko shikva na ḳhār-o-gul ko gile

ba-sad-ḳhulūs agar bād-e-nau-bahār chale

bachegī kis tarah taqdīs-e-mai-kada saaqī

jo terī bazm se tishna ye mai-gusār chale

ḳhudā kī yaad meñ ġhāfil na shaiḳh ḳhalq se ho

kabhī kabhī to musalle pe zikr-e-yār chale

vahī hai fāteh-e-ā’zam jahān-e-dil kā 'sahar'

bisāt-e-shauq pe baazī jo dil kī haar chale

wo dard tum ne diya hai ki be-qarar chale

yahi hai 'ishq to hum hae dil pukar chale

wo ek laghzish-e-tashKHis chaaragar teri

hamein to aisa laga zindagi guzar chale

har ek phul nigah-e-KHizan ki zad mein hai

to kis tarah se bahaaron ka karobar chale

ho andalib ko shikwa na KHar-o-gul ko gile

ba-sad-KHulus agar baad-e-nau-bahaar chale

bachegi kis tarah taqdis-e-mai-kada saqi

jo teri bazm se tishna ye mai-gusar chale

KHuda ki yaad mein ghafil na shaiKH KHalq se ho

kabhi kabhi to musalle pe zikr-e-yar chale

wahi hai fateh-e-a’zam jahan-e-dil ka 'sahar'

bisat-e-shauq pe bazi jo dil ki haar chale