wo dard wo wafa wo mohabbat tamam shud

vo dard vo vafā vo mohabbat tamām shud

le dil meñ tere qurb kī hasrat tamām shud

ye ba.ad meñ khulegā ki kis kis kā ḳhuuñ huā

har ik bayān ḳhatm adālat tamām shud

tū ab to dushmanī ke bhī qābil nahīñ rahā

uThtī thī jo kabhī vo adālat tamām shud

ab rabt ik nayā mujhe āvārgī se hai

pābandī-e-ḳhayāl kī aadat tamām shud

jaa.ez thī yā nahīñ thī tire haq meñ thī magar

kartā thā jo kabhī vo vakālat tamām shud

vo roz roz marne kā qissa huā tamām

vo roz dil ko chīrtī vahshat tamām shud

vo mere qurb meñ hai bahut be-sukūn sā

us ke sukūn ko hai qarābat tamām shud

ab aa ki apnā apnā asāsa sameT leñ

ab ham pe vaqt kī hai saḳhāvat tamām shud

'tāhir' maiñ kunj-e-zīst meñ chup-chāp huuñ paḌā

majnūñ sī vo ḳhajālat-o-hālat tamām shud

wo dard wo wafa wo mohabbat tamam shud

le dil mein tere qurb ki hasrat tamam shud

ye baad mein khulega ki kis kis ka KHun hua

har ek bayan KHatm adalat tamam shud

tu ab to dushmani ke bhi qabil nahin raha

uThti thi jo kabhi wo adalat tamam shud

ab rabt ek naya mujhe aawargi se hai

pabandi-e-KHayal ki aadat tamam shud

jaez thi ya nahin thi tere haq mein thi magar

karta tha jo kabhi wo wakalat tamam shud

wo roz roz marne ka qissa hua tamam

wo roz dil ko chirti wahshat tamam shud

wo mere qurb mein hai bahut be-sukun sa

us ke sukun ko hai qarabat tamam shud

ab aa ki apna apna asasa sameT len

ab hum pe waqt ki hai saKHawat tamam shud

'tahir' main kunj-e-zist mein chup-chap hun paDa

majnun si wo KHajalat-o-haalat tamam shud