wo dasht-e-tirgi hai ki koi sada na de
vo dasht-e-tīrgī hai ki koī sadā na de
saaya bhī mere jism kā mujh ko patā na de
nā-āgahī kī raat bhī kitnī latīf thī
ye āgahī kī dhuup hai chehra jalā na de
ḳhvāboñ kā ik latīf sā hai aks zehn par
bād-e-sumūm-e-vaqt ise bhī miTā na de
chashm-e-ġhazāl jhiil kā manzar hasīn maut
merī taraf na dekh mujhe ye sazā na de
dil se bhī us nigāh kā jaadū chhupā liyā
nādāñ hai sādgī meñ kahīñ kuchh batā na de
shā.istagī kā jabr ki royā na jā sakā
chup-chāp dil kī aag badan ko ghulā na de
ik pal ko bhī sukūn na de zindagī 'shamīm'
aur bhāgnā bhī chāhūñ to ye rāstā na de
wo dasht-e-tirgi hai ki koi sada na de
saya bhi mere jism ka mujh ko pata na de
na-agahi ki raat bhi kitni latif thi
ye aagahi ki dhup hai chehra jala na de
KHwabon ka ek latif sa hai aks zehn par
baad-e-sumum-e-waqt ise bhi miTa na de
chashm-e-ghazal jhil ka manzar hasin maut
meri taraf na dekh mujhe ye saza na de
dil se bhi us nigah ka jadu chhupa liya
nadan hai sadgi mein kahin kuchh bata na de
shaistagi ka jabr ki roya na ja saka
chup-chap dil ki aag badan ko ghula na de
ek pal ko bhi sukun na de zindagi 'shamim'
aur bhagna bhi chahun to ye rasta na de
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
