wo dil ki tha kabhi sarsabz khetiyon ki tarah

vo dil ki thā kabhī sarsabz khetiyoñ kī tarah

sulag rahā hai jhulaste hue thaloñ kī tarah

ye sher jis kī zamīñ ko bhī mujh se shikve haiñ

rahegā yaad purānī mohabbatoñ kī tarah

kisī jagah pe bhī sayyāh dil Thahar na sakā

jahāñ kī sair ko nikle musāfiroñ kī tarah

utartī zehan meñ bhī ḳhush-gavār dhuup kabhī

shurū-e-garmā ke khulte hue dinoñ kī tarah

lahū rulātī hai be-vaqt tañg kartī hai

hai us kī yaad bhī be-rut kī bārishoñ kī tarah

tumhārī chaah kā anjām dekhiye kyā ho

lagā ke baiThe haiñ daav juāriyoñ kī tarah

ḳhud apne saa.e se bhī kaañp kaañp uThtā huuñ

maiñ sahmā phirtā huuñ mafrūr mulzimoñ kī tarah

us aañkh meñ koī be-rañg sī kashish thī 'riyāz'

purāne qiloñ meñ kunda ibāratoñ kī tarah

wo dil ki tha kabhi sarsabz khetiyon ki tarah

sulag raha hai jhulaste hue thalon ki tarah

ye sher jis ki zamin ko bhi mujh se shikwe hain

rahega yaad purani mohabbaton ki tarah

kisi jagah pe bhi sayyah dil Thahar na saka

jahan ki sair ko nikle musafiron ki tarah

utarti zehan mein bhi KHush-gawar dhup kabhi

shuru-e-garma ke khulte hue dinon ki tarah

lahu rulati hai be-waqt tang karti hai

hai us ki yaad bhi be-rut ki barishon ki tarah

tumhaari chah ka anjam dekhiye kya ho

laga ke baiThe hain daw juariyon ki tarah

KHud apne sae se bhi kanp kanp uThta hun

main sahma phirta hun mafrur mulzimon ki tarah

us aankh mein koi be-rang si kashish thi 'riyaz'

purane qilon mein kunda ibaraton ki tarah