wo dil ki baaten zamane-bhar ko na yun sunata mujhe batata

vo dil kī bāteñ zamāne-bhar ko na yuuñ sunātā mujhe batātā

vo ek daf’a mirī mohabbat ko āzmātā mujhe batātā

zabān-e-ḳhilqat se jaane kyā kyā vo mujh ko bāvar karā rahā hai

kisī bahāne anā kī dīvār ko girātā mujhe batātā

zamāne vāloñ ko kyā paḌī hai suneñ jo hāl-e-dil-e-shikasta

magar mirī to ye aarzū thī mujhe bulātā mujhe batātā

mujhe ḳhabar hai ki chupke-chupke añdhere us ko nigal rahe haiñ

maiñ us kī rāhoñ meñ apne dil kā diyā jalātā mujhe batātā

sitam kiyā hai 'munīr' us ne jo shahr chhoḌā hai ḳhāmushī se

maiñ us kī ḳhātir ye saarī duniyā bhī chhoḌ jaatā mujhe batātā

wo dil ki baaten zamane-bhar ko na yun sunata mujhe batata

wo ek daf’a meri mohabbat ko aazmata mujhe batata

zaban-e-KHilqat se jaane kya kya wo mujh ko bawar kara raha hai

kisi bahane ana ki diwar ko giraata mujhe batata

zamane walon ko kya paDi hai sunen jo haal-e-dil-e-shikasta

magar meri to ye aarzu thi mujhe bulata mujhe batata

mujhe KHabar hai ki chupke-chupke andhere us ko nigal rahe hain

main us ki rahon mein apne dil ka diya jalata mujhe batata

sitam kiya hai 'munir' us ne jo shahr chhoDa hai KHamushi se

main us ki KHatir ye sari duniya bhi chhoD jata mujhe batata