wo dil mein aur qarib-e-rag-e-gulu bhi mile

vo dil meñ aur qarīb-e-rag-e-gulū bhī mile

zarā sā lutf magar ham se rū-ba-rū bhī mile

jo koī vāqif-e-ādāb-e-rañg-o-bū bhī mile

to ashk-e-ḳhūñ meñ bū-e-zaḳhm-e-ārzū bhī mile

hazār zaḳhm ko kyā be-shumār zaḳhm lage

usī ke saath magar fursat-e-rafū bhī mile

ye but-kada na sahī phir bhī mai-kada to nahīñ

yahāñ to ham ko ka.ī riñd be-vuzū bhī mile

hameñ to ārzū-e-izn-e-hāzirī hai bahut

zahe-nasīb agar izn-e-guftugū bhī mile

vo is ko kaise ḳhamoshī qarār de āḳhir

mire sukūt meñ jab jurm-e-guftugū bhī mile

mile jahāñ bhī payām-e-hayāt-e-nau mujh ko

maza to jab hai vahīñ mere yaar tū bhī mile

vo ek aap hī apnī misāl hai 'aḳhgar'

aur aap jaise ka.ī us ko hū-ba-hū bhī mile

wo dil mein aur qarib-e-rag-e-gulu bhi mile

zara sa lutf magar hum se ru-ba-ru bhi mile

jo koi waqif-e-adab-e-rang-o-bu bhi mile

to ashk-e-KHun mein bu-e-zaKHm-e-arzu bhi mile

hazar zaKHm ko kya be-shumar zaKHm lage

usi ke sath magar fursat-e-rafu bhi mile

ye but-kada na sahi phir bhi mai-kada to nahin

yahan to hum ko kai rind be-wuzu bhi mile

hamein to aarzu-e-izn-e-haziri hai bahut

zahe-nasib agar izn-e-guftugu bhi mile

wo is ko kaise KHamoshi qarar de aaKHir

mere sukut mein jab jurm-e-guftugu bhi mile

mile jahan bhi payam-e-hayat-e-nau mujh ko

maza to jab hai wahin mere yar tu bhi mile

wo ek aap hi apni misal hai 'aKHgar'

aur aap jaise kai us ko hu-ba-hu bhi mile