wo din gae ki chhup ke sar-e-baam aaenge

vo din ga.e ki chhup ke sar-e-bām ā.eñge

aanā huā to ab vo sar-e-ām ā.eñge

sochā na thā ki abr-e-siyah-posh se kabhī

kauñde tere badan ke mire naam ā.eñge

us naḳhl-e-nā-murād se jo paat jhaḌ ga.e

andhī ḳhunuk havāoñ ke ab kaam ā.eñge

aañsū sitāre os ke daane safed phuul

sab mere ġham-gusār sar-e-shām ā.eñge

rakh tū inheñ bachā ke kisī aur ke liye

ye qaul ye qarār tire kaam ā.eñge

lauTe agar safar se kabhī ham to Dar nahīñ

sūrat badal ke ā.eñge be-nām ā.eñge

wo din gae ki chhup ke sar-e-baam aaenge

aana hua to ab wo sar-e-am aaenge

socha na tha ki abr-e-siyah-posh se kabhi

kaunde tere badan ke mere nam aaenge

us naKHl-e-na-murad se jo pat jhaD gae

andhi KHunuk hawaon ke ab kaam aaenge

aansu sitare os ke dane safed phul

sab mere gham-gusar sar-e-sham aaenge

rakh tu inhen bacha ke kisi aur ke liye

ye qaul ye qarar tere kaam aaenge

lauTe agar safar se kabhi hum to Dar nahin

surat badal ke aaenge be-nam aaenge