wo ek KHushbu jo apni qaba badalne lagi

vo ek ḳhushbū jo apnī qabā badalne lagī

to saare shahr kī āb-o-havā badalne lagī

tamām raste usī kī galī ko jaate haiñ

to kyā huā vo agar rāsta badalne lagī

ajiib nashsha hai duniyā ko ḳhud-farebī kā

bashar badal nahīñ saktī ḳhudā badalne lagī

ye soch lenā tumhāre namak kā kyā hogā

agar hamārī zabāñ zā.iqa badalne lagī

vo muskurā.ī to jī aur be-qarār huā

hamārā dard vahī hai davā badalne lagī

wo ek KHushbu jo apni qaba badalne lagi

to sare shahr ki aab-o-hawa badalne lagi

tamam raste usi ki gali ko jate hain

to kya hua wo agar rasta badalne lagi

ajib nashsha hai duniya ko KHud-farebi ka

bashar badal nahin sakti KHuda badalne lagi

ye soch lena tumhaare namak ka kya hoga

agar hamari zaban zaiqa badalne lagi

wo muskurai to ji aur be-qarar hua

hamara dard wahi hai dawa badalne lagi