wo ek shaKHs ki jis se shikayaten thin bahut

vo ek shaḳhs ki jis se shikāyateñ thiiñ bahut

vahī aziiz usī se mohabbateñ thiiñ bahut

vo jab milā to diloñ meñ koī talab hī na thī

bichhaḌ gayā to hamārī zarūrateñ thiiñ bahut

har ek moḌ pe ham TūTte bikharte rahe

hamārī ruuh meñ pinhāñ qayāmateñ thiiñ bahut

pahuñch ga.e sar-e-manzil tirī tamannā meñ

agarche raah kaThin thī sa.ūbateñ thiiñ bahut

vo yuuñ milā hai ki jaise kabhī milā hī na thā

hamārī zaat pe jis kī ināyateñ thiiñ bahut

hameñ ḳhud apne hī yāroñ ne kar diyā rusvā

ki baat kuchh bhī na thī aur vazāhateñ thiiñ bahut

hamāre ba.ad huā us galī meñ sannāTā

hamāre dam se hī 'nāsir' hikāyateñ thiiñ bahut

wo ek shaKHs ki jis se shikayaten thin bahut

wahi aziz usi se mohabbaten thin bahut

wo jab mila to dilon mein koi talab hi na thi

bichhaD gaya to hamari zaruraten thin bahut

har ek moD pe hum TuTte bikharte rahe

hamari ruh mein pinhan qayamaten thin bahut

pahunch gae sar-e-manzil teri tamanna mein

agarche rah kaThin thi saubaten thin bahut

wo yun mila hai ki jaise kabhi mila hi na tha

hamari zat pe jis ki inayaten thin bahut

hamein KHud apne hi yaron ne kar diya ruswa

ki baat kuchh bhi na thi aur wazahaten thin bahut

hamare baad hua us gali mein sannaTa

hamare dam se hi 'nasir' hikayaten thin bahut