wo ek shaKHs mere pas jo raha bhi nahin

vo ek shaḳhs mire paas jo rahā bhī nahīñ

vo ḳhud ko duur kabhī mujh se kar sakā bhī nahīñ

nigāh jis kī mirī samt aaj tak na uThī

mire sivā vo kisī shai ko dekhtā bhī nahīñ

mire ḳhutūt to jhallā ke phaaḌ detā hai

ajiib baat hai purzoñ ko pheñktā bhī nahīñ

tamām vaqt hai vo mahv-e-guftugū mujh se

ye kaan jis kī sadāoñ se āshnā bhī nahīñ

hamāre siine meñ chhup jaa.e Dar ke duniyā se

vo jis ke lams ne ab tak hameñ chhuā bhī nahīñ

jidhar bhī dekhūñ vahī vo dikhā.ī detā hai

maze kī baat to ye hai ki vo ḳhudā bhī nahīñ

wo ek shaKHs mere pas jo raha bhi nahin

wo KHud ko dur kabhi mujh se kar saka bhi nahin

nigah jis ki meri samt aaj tak na uThi

mere siwa wo kisi shai ko dekhta bhi nahin

mere KHutut to jhalla ke phaD deta hai

ajib baat hai purzon ko phenkta bhi nahin

tamam waqt hai wo mahw-e-guftugu mujh se

ye kan jis ki sadaon se aashna bhi nahin

hamare sine mein chhup jae Dar ke duniya se

wo jis ke lams ne ab tak hamein chhua bhi nahin

jidhar bhi dekhun wahi wo dikhai deta hai

maze ki baat to ye hai ki wo KHuda bhi nahin