wo gham de rahe hain KHushi ho rahi hai

vo ġham de rahe haiñ ḳhushī ho rahī hai

haqīqat meñ ab āshiqī ho rahī hai

abhī mohtasib mai-kade meñ na aa.eñ

Thahar jā.iye mai-kashī ho rahī hai

mohabbat meñ kitne hī mansūr gum haiñ

ḳhudī bhī yahāñ be-ḳhudī ho rahī hai

na zauq-e-talab hai na ehsās-e-manzil

ye jiinā hai yā ḳhud-kushī ho rahī hai

koī jur.ateñ dekhe ahl-e-havas kī

mohabbat se bhī dil lagī ho rahī hai

ye mai-ḳhāne meñ kis kā paimāna chhalkā

bahut duur tak raushnī ho rahī hai

na pūchho yagānoñ kī begāngī ko

ye sab dost meñ dostī ho rahī hai

ajab ālam-e-'kaif' hai bazm-e-jānāñ

nigāhoñ se bhī bandagī ho rahī hai

wo gham de rahe hain KHushi ho rahi hai

haqiqat mein ab aashiqi ho rahi hai

abhi mohtasib mai-kade mein na aaen

Thahar jaiye mai-kashi ho rahi hai

mohabbat mein kitne hi mansur gum hain

KHudi bhi yahan be-KHudi ho rahi hai

na zauq-e-talab hai na ehsas-e-manzil

ye jina hai ya KHud-kushi ho rahi hai

koi juraten dekhe ahl-e-hawas ki

mohabbat se bhi dil lagi ho rahi hai

ye mai-KHane mein kis ka paimana chhalka

bahut dur tak raushni ho rahi hai

na puchho yaganon ki begangi ko

ye sab dost mein dosti ho rahi hai

ajab aalam-e-'kaif' hai bazm-e-jaanan

nigahon se bhi bandagi ho rahi hai