wo ghaDi wo rut gai wo din gae mausam gae

vo ghaḌī vo rut ga.ī vo din ga.e mausam ga.e

saath ik jān-e-vafā ke kitne hī aalam ga.e

vo ga.e to aur phir koī na un sā mil sakā

vaadī vaadī ham phire pūrab ga.e pachchham ga.e

aas TuuTī dil kī yā koī nayā vaada huā

ai shab-e-ġham kyā huā kyuuñ mere aañsū tham ga.e

ek ham jo tujh se chhuT kar bhī tire dar ke rahe

ek vo jo bazm meñ rah kar bhī nā-mahram ga.e

aaj se ḳhush rah ke bhī dekheñge tere ġham-nasīb

terī marzī hai to le aaheñ ga.iiñ mātam ga.e

wo ghaDi wo rut gai wo din gae mausam gae

sath ek jaan-e-wafa ke kitne hi aalam gae

wo gae to aur phir koi na un sa mil saka

wadi wadi hum phire purab gae pachchham gae

aas TuTi dil ki ya koi naya wada hua

ai shab-e-gham kya hua kyun mere aansu tham gae

ek hum jo tujh se chhuT kar bhi tere dar ke rahe

ek wo jo bazm mein rah kar bhi na-mahram gae

aaj se KHush rah ke bhi dekhenge tere gham-nasib

teri marzi hai to le aahen gain matam gae