wo hum honge sitam-garon se jo Takrane aaenge

vo ham hoñge sitam-gāroñ se jo Takrāne ā.eñge

sar-e-mahfil mohabbat kā sabaq dohrāne ā.eñge

vo mai jis ko samajhne ke liye piinā paḌe ham ko

hameñ us kī haqīqat shaiḳh kyā samjhāne ā.eñge

unheñ lab tak na laane kī qasam tum ne to de dī hai

zabān-e-ḳhalq par lekin vahī afsāne ā.eñge

sukūñ kis kā luTegā kaun ḳhush hogā sar-e-mahfil

nahīñ ma.alūm vo kis par karam farmāne ā.eñge

farishtoñ se ḳhatā hotī nahīñ insāñ se hotī hai

sunā hai is bahāne shaiḳh bhī maiḳhāne ā.eñge

ḳhud apnī tang-zarfī se chhalak uTTheñge mahfil meñ

ba-vaqt-e-mai-kashī aise bhī kuchh paimāne ā.eñge

shugūn-e-nek hai mai-ḳhāne kā barbād ho jaanā

nayā saaqī na.e shīshe na.e paimāne ā.eñge

bahār-e-gulsitāñ 'manzūr' jin rāhoñ se aa.egī

chhiḌakte ḳhuuñ pa-e-gul jhūmte dīvāne ā.eñge

wo hum honge sitam-garon se jo Takrane aaenge

sar-e-mahfil mohabbat ka sabaq dohrane aaenge

wo mai jis ko samajhne ke liye pina paDe hum ko

hamein us ki haqiqat shaiKH kya samjhane aaenge

unhen lab tak na lane ki qasam tum ne to de di hai

zaban-e-KHalq par lekin wahi afsane aaenge

sukun kis ka luTega kaun KHush hoga sar-e-mahfil

nahin malum wo kis par karam farmane aaenge

farishton se KHata hoti nahin insan se hoti hai

suna hai is bahane shaiKH bhi maiKHane aaenge

KHud apni tang-zarfi se chhalak uTThenge mahfil mein

ba-waqt-e-mai-kashi aise bhi kuchh paimane aaenge

shugun-e-nek hai mai-KHane ka barbaad ho jaana

naya saqi nae shishe nae paimane aaenge

bahaar-e-gulsitan 'manzur' jin rahon se aaegi

chhiDakte KHun pa-e-gul jhumte diwane aaenge