wo humse aaj bhi daman-kashan chale hai miyan
vo ham se aaj bhī dāman-kashāñ chale hai miyāñ
kisī pe zor hamārā kahāñ chale hai miyāñ
jahāñ bhī thak ke koī kārvāñ Thahartā hai
vahīñ se ek nayā kārvāñ chale hai miyāñ
jo ek samt gumāñ hai to ek samt yaqīñ
ye zindagī to yūñhī darmiyāñ chale hai miyāñ
badalte rahte haiñ bas naam aur to kyā hai
hazāroñ saal se ik dāstāñ chale hai miyāñ
har ik qadam hai na.ī āzmā.ishoñ kā hujūm
tamām umr koī imtihāñ chale hai miyāñ
vahīñ pe ghūmte rahnā to koī baat nahīñ
zamīñ chale hai to aage kahāñ chale hai miyāñ
vo ek lamha-e-hairat ki lafz saath na deñ
nahīñ chale hai na aise meñ haañ chale hai miyāñ
wo hum se aaj bhi daman-kashan chale hai miyan
kisi pe zor hamara kahan chale hai miyan
jahan bhi thak ke koi karwan Thaharta hai
wahin se ek naya karwan chale hai miyan
jo ek samt guman hai to ek samt yaqin
ye zindagi to yunhi darmiyan chale hai miyan
badalte rahte hain bas nam aur to kya hai
hazaron sal se ek dastan chale hai miyan
har ek qadam hai nai aazmaishon ka hujum
tamam umr koi imtihan chale hai miyan
wahin pe ghumte rahna to koi baat nahin
zamin chale hai to aage kahan chale hai miyan
wo ek lamha-e-hairat ki lafz sath na den
nahin chale hai na aise mein han chale hai miyan
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
